Wilma Stockenstrom Aanhalings

A, dat die slopers kom om my oë uit te slaan!
Genoeg het ek gesien. Oorbodige bepeinsinge
bewaar in my kamers, ek, argief van gistergerigtheid
oumensbewend onder my dun laag dagha.
~ Wilma Stockenstrom
- "Ou gebou" , Vir die bysiende leser, 1970

Argitektuur;

Welkom, vreemdeling vergetelheid. Skroom
nie om jou donker vakuum om my uit
te brei, vergroting van die duister agter
my ooglede.
~ Wilma Stockenstrom
- "Welkom, vreemdeling vergetelheid", Spieël van water, 1973

Dood;

Eendag sal ek, weet ek, die dood
met laggende skedel trotseer.
~ Wilma Stockenstrom
- "Die skedel lag al huil die gesig", Van vergetelheid en van glans, 1976

Dood;

Ek sê mos die skedel lag
al huil en huil die gesig
~ Wilma Stockenstrom
- "Die skedel lag al huil die gesig", Van vergetelheid en van glans, 1976

Dood;

Klippe is soms hoeders van fossiele....
~ Wilma Stockenstrom
- "Die klip", Vir die bysiende leser, 1970

Geskiedenis;

klein verlede, verwaai en verspot, vergete en toetental
beteuterd in die gang van 'n vasteland wat geduldig
sy grondwater aanvul met bloed en met bloed bemes...
~ Wilma Stockenstrom
- "Boerebeeldjie", Van vergetelheid en van glans, 1976

Geskiedenis;