Johann de Lange Aanhalings

Hulle bou stilweg en onverpoosd met hul dood
aan die ondersese rococo-katedraal wat glinster
in die skuins hale son: so word 'n skip katedraal.
~ Johann de Lange
- "Sterwende argitekte", Akwarelle van die dors, 1982

Argitektuur;

poësie is 'n bloeiwyse, niks meer.
~ Johann de Lange
- "Oor blomme en bomme", Snel grys fantoom, 1986

Skryf;

Elke diger
is óf id óf ego:
sibille of vakman:

die een se dinkwerk
is beprek,
die ander s'n
ontspring legio.
~ Johann de Lange
- "Beeldbou", Waterwoestyn, 1984

Skryf;

Die dood is die lewe se kloon.
~ Johann de Lange
- "Die dubbelganger", Snel grys fantoom, 1986

Dood;

mense gaan dood
maklik soos ander
asemhaal.
~ Johann de Lange
- "Selfmoord in 5 reëls", Akwarelle van die dors, 1982

Dood;

Watter pyn,
watter verlange
vorm my
en slyt my weg
vir die ewigheid reg?
~ Johann de Lange
- "Groei", Waterwoestyn, 1984

Dood;