Idiome - M

Sy maters is dood.

- Hy het nie 'n gelyke nie.

Hy meet met twee mate.

- Hy gebruik nie altyd dieselfde maatstaf nie.

Hy gooi met modder.

- Hy beswadder 'n ander.

Wie sal hom uit die modder help?

- Wie sal hom uit sy moeilikheid help?

Hy betaal my terug in dieselfde munt.

- Hy behandel my soos ek hom behandel het.

As die muis dik is, is die koring bitter

- as jy genoeg geëet het, smaak die kos nie meer lekker nie.

Klein muisies het groot ore

- kinders luister fyn

Van die hand na die mond val die pap op die grond / Tussen die lepel en die mond val die pap op die grond

- jou planne word dikwels verydel wanneer jy byna jou doel bereik het

Jy kan dit maar op jou maag skrywe

- daar sal niks van kom nie.

Wie nie pas op sy tyd is sy maaltyd kwyt

- as jy laat kom vir ete, kry jy nie kos nie.

Met die maat waarmee julle meet, sal weer vir julle gemeet word

- soos ons ander mense behandel, sal ons ook behandel word.

Elke man soen sy vrou op sy manier

- elke mens doen 'n ding op sy eie wyse.

Self sien hoe jy die mas opkom

- self sien dat jy die taak gedoen kry.

Die inwendige mens versterk

- eet.

Op hierdie mes kan 'n mens Kaap toe ry

- hierdie mes is baie stomp.

Moedersielalleen

- heeltemal alleen.

As jy nie daardie mond gehad het nie, het die kraaie lankal jou oë uitgepik

- jy kan darem baie praat, jy is darem baie glad met jou mond

Iemand na die mond praat

- iemand vlei.

Hy maak 'n skoorsteen van sy mond

- hy rook baie.

Iemand die mond snoer

- iemand laat ophou praat.

Jou mond verbypraat

- iets sê wat jy eintlik nie moes gesê het nie.

Bitter in die mond maak die hart gesond

- toe maar, die medisyne wat so sleg smaak, is eintlik baie goed vir jou; of die onaangename dinge wat jy nou ervaar, gaan jou 'n sterker mens maak.

Die môrestond het goud in die mond

- soggens vroeg kry jy baie dinge gedoen.

Haar kop is vol muisneste

- sy is so verlief dat sy net die hele tyd aan haar kêrel dink.

In die middel van die wêreld wees

- radeloos wees, nie weet wat om te doen nie.

Murg in jou pype hê

- sterk en daadkragtig wees.